ՀԿԵՈՒ-ն ֆինանսավորել է ի ծնե կոնքի ազդրի հոդախախտումով տառապող հայ աղջնակի բուժումը

ԵՐԵՎԱՆ, 5 օգոստոսի. /Նովոստի-Արմենիա/. «Ապրիր հպարտ» բարեգործական ծրագրի շրջանակներում, որն իրականացվում է Երևանի վերջույթների երկարացման և վերականգնման կենտրոնի (YCLLR) կողմից, Հայաստանի առաջին տիկին Ռիտա Սարգսյանի բարձր հովանու ներքո «Հարավկովկասյան երկաթուղի» ՓԲԸ ղեկավարությունը որոշում է կայացրել ֆինանսավորել ի ծնե կոնքի ազդրի հոդախախտումով տառապող 9-ամյա Լիանա Հովակիմյանի վիրահատությունը:

Ինչպես հաղորդում է «ՀԿԵՈՒ»-ի մամուլի ծառայությունը, վիրաբույժ Արշակ Միրզոյանի հավաստիացմամբ՝ հունիսի 29-ին անցկացված «Շանց-Իլիզարովի վիրահատության» արդյունքում երեխան, որն ի ծնե տառապում էր կոնքի ազդրի հոդախախտումով, այժմ լիովին բուժված է: «Վիրահատությունը հաջող անցավ, և արդեն շուտով երեխան կսկսի քայլել՝ իրեն լիարժեք մարդ զգալով», - ասում  է Արշակ Միրզոյանը:

Այժմ Լիանան գտնվում է Երևանի վերջույթների երկարացման և վերականգնման կենտրոնում, որտեղ համապատասխան բուժում է ստանում:

Նշենք, որ «Ապրիր հպարտ» ծրագիրը իրագործվում է սոցիալապես անապահով հիվանդներին օգնություն ցուցաբերելու նպատակով: Հարավկովկասյան երկաթուղին, որը որոշում է կայացրել ակտիվորեն աջակցել ծրագրի իրագործմանը, այժմ փնտրում է նոր՝ օգնության կարիք ունեցող հիվանդների: -0-