ԵՐԵՎԱՆ, 29 հուլիսի. /Նովոստի-Արմենիա/. Սևանա լճում խեղդվելուց փրկվել է 28-ամյա մի տղամարդ, «Նովոստի-Արմենիա» գործակալությանը հայտնեցին ՀՀ ԱԻՆ Փրկարար ծառայությունից:
Ինչպես ասվում է գործակալությանը տրամադրված հաղորդագրությունում, Սևանա լճի «Քաղաքային» լողափի տարածքում ջրափրկարարները նկատել են քամու հետևանքով ռետինե ներքնակով ափից հեռացող մի քաղաքացու:
Մինչ փրկարարների հասնելը` քաղաքացին շրջվել և ընկել է ջուրը: Փրկարարներին հաջողվել է լճից դուրս բերել Կոտայքի մարզի Հրազդան քաղաքի բնակիչ Հայկ Ղարիբյանին:
Տեղում ստանալով առաջին բուժօգնություն` տուժածը հրաժարվել է հոսպիտալացումից:--0--
