ՌԴ ՆԳՆ և Հայաստանի ոստիկանության ղեկավարները հաջորդ տարի համագործակցության մասին փաստաթուղթ ստորագրեցին
Ռուսաստանի ՆԳՆ ղեկավար Ռաշիդ Նուրգալիևը և Հայաստանի ոստիկանապետ Ալիկ Սարգսյանը 2010 թվականին համագործակցության մասին փաստաթուղթ ստորագրեցին գերատեսչությունների միջև, ՌԴ ՆԳՆ և Հայաստանի ոստիկանության Միավորված կոլեգիայի աշխատանքն ավարտվեց, տեղեկացնում է «ՌԻԱ Նովոստին»։
Համաձայնագիրը ստորագրվեց ռուսաստանյան «Իմպերիա» նավում։ Նուրգալիևը գոհունակություն հայտնեց համատեղ կոլեգիայի արդյունքներից։
«Կոլեգիան անցավ կառուցողական մթնոլորտում։ Ես շատ գոհ եմ արդյունքներից, ինչպես նաև հարցերի քննարկման ժամանակ ընդունված որոշումներից։ Ընդունված որոշումները թույլ կտան մեզ ապագայում կատարելագործել համատեղ աշխատանքը անդրազգային հանցավորության դեմ պայքարում»,- ասաց ռուսաստանցի նախարարը։
Միավորված կոլեգիայի նիստում Նուրգալիևն ու Սարգսյանը քննարկեցին միջտարածաշրջանային հանցավորությանը դիմակայելուն առնչվող հարցեր, այդ թվում՝ թաքնվող հանցագործների հետախուզում ու ձերբակալում, երկու գեևատեսչությունների փոխգործակցության հարցեր թմրանյութերի անօրինական շրջանառության դեմ պայքարի գծով։
Նախատեսվում է, որ կոլեգիայի նիստում կբարձրացվեն նաև տնտեսական և հարկային հանցագործությունների, անօրինական ֆինանսական օպերացիաների և տնտեսական ուղղվածության այլ իրավախախտումների դեմ պայքարի խնդիրներ։
Չորեքշաբթի Հայաստանից ժամանած Սարգսյանը հետաքրքրվեց ռուսաստանցի գործընկերների փորձով՝ ՆԳՊՎ Կրասնոդարի երկրամասի Երթևեկության մոնիտորինգի և օպերատիվ կառավարման կենտրոնի ստեղծման վերաբերյալ, որը Ռուսաստանի ՆԳՆ կողմից ներդրվող «Անվտանգ քաղաք» ապարատային-ծրագրային համալիրի տարրերից է։
Հայաստանի ոստիկանապետին, մասնավորապես, հետաքրքրեց ճանապարհներին երթևեկության հոսքի վերահսկողությունը։ Ըստ նրա՝ այդ համակարգը երթևեկության անվտանգության ամրապնդման լավ հեռանկարներ ունի։ Սարգսյանը չբացառեց, որ ռուսաստանցի գործընկերների փորձը մոտ ժամանակներս կներդրվի Հայաստանում։ -0-
