Սկսվել է ՀՀ Ազգային անվտանգության խորհրդի աշխատակազմի ձևավորման գործընթացը
23.07.2009,
10:06
Սկսվել է ՀՀ Ազգային անվտանգության խորհրդի աշխատակազմի ձևավորման գործընթացը
ԵՐԵՎԱՆ, 23 հուլիսի. /Նովոստի-Արմենիա/. Սկսվել է ՀՀ Ազգային անվտանգության խորհրդի աշխատակազմի ձևավորման գործընթացը, «Նովոստի-Արմենիա» գործակալությանը տեղեկացրեցին ՀՀ նախագահի մամուլի ծառայությունից:
Տեղեկատվության համաձայն՝ Ազգային անվտանգության խորհրդի աշխատակազմի ներքին անվտանգության վարչության պետ է նշանակվել Ռոման Հակոբի Կարա-Պողոսյանը, իսկ արտաքին անվտանգության վարչության պետի պաշտոնում նշանակվել է Միշա Մելքոնյանը:
Ազգային անվտանգության խորհրդի լիազորությունների ընդլայնման քաղաքականության շրջանակներում հուլիսի 10-ին ՀՀ նախագահ Սերժ Սարգսյանի ներկայությամբ տեղի է ունեցել Խորհրդի նոր շենքի պաշտոնական բացումը:
ՀՀ Ազգային անվտանգության խորհրդի աշխատակազմի ղեկավարն է Արտաշես Ավոյանը: Աշխատակազմը ենթադրում է շուրջ 90 հաստիքային միավոր:-0-
Պատճենել հղումը
