ՀՀ նախագահը մասնակցել է նորանշանակ դատավորի երդման արարողությունը

Նախագահ Սերժ Սարգսյանի հուլիսի 21-ի հրամանագրով Մխիթար Պապոյանը նշանակվել է Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարանի դատավոր:

«Արդարադատության խորհրդի նիստում ՀՀ նախագահի ներկայությամբ տեղի է ունեցել նորանշանակ դատավորի երդման արարողությունը»,- «Նովոստի-Արմենիա» գործակալությանը տեղեկացրեցին ՀՀ նախագահի մամուլի ծառայությունից:

«Ստանձնելով դատավորի բարձր պաշտոնը, նա ժողովրդի առջև երդվել է «դատավորի պարտականությունները կատարել Հայաստանի Հանրապետության Սահմանադրությանն ու օրենքներին համապատասխան, լինել անաչառ և սկզբունքային, արդարացի և մարդասեր, սրբորեն պահպանել դատավորի կարգավիճակին ներկայացվող բոլոր պահանջները` ապահովելով օրենքի գերակայությունը և բարձր պահելով դատական իշխանության հեղինակությունը»,- ասված է հաղորդագրության մեջ:

Նախագահ Սարգսյանը շնորհավորելով և հաջողություն մաղթելով նորանշանակ դատավորին` հույս է հայտնել, որ երդումը կդառնա նրա գործունեության հիմնական ուղեցույցը:

Արդարադատության խորհրդի նիստում Վճռաբեկ դատարանի նախագահ Արման Մկրտումյանը ներկայացրել է նաև ՀՀ դատավորների ընդհանուր ժողովի կողմից հուլիսի 17-ին Խորհրդի անդամ ընտրված Մեսրոպ Մակյանին:-0-