Ռումինացի երգիչ Իոնուտ Չերչելը պատրաստվում է երկու սկավառակ թողարկել մինչև տարեվերջ

ԵՐԵՎԱՆ, 18 հուլիսի. /Նովոստի-Արմենիա/. Պատանի ռումինացի երգիչ Իոնուտ Չերչելը, ում համերգը կանցկացվի Երևանում հուլիսի 18-19-ին, պատրաստվում է  երկու նոր ալբոմ թողարկել, լրագրողներին հայտնեց ինքը՝ կատարողը։

Նրա խոսքերով՝ առաջին ալբոմը կպարունակի լիրիկական, իսկ երկրորդը՝ ուրախ երգեր։ Միաժամանակ Չերչելը հավաստիացրեց, որ երգերից մեկը հայկական մոտիվներ կունենա։

Ռումինացի երգչի երևանյան համերգների կազմակերպիչներից մեկի՝ «Իմպրեսարիո փրոդաքշընս» ընկերության նախագահ Սուրեն Թադևոսյանի  խոսքերով, համագործակցությունը պատանի կատարողի հետ կշարունակվի նաև հետագայում։

«Մենք Իոնուտի հետ ապագայի մեծ պլաններ ունենք, որոնց թվում կարևոր է աշնանը նախատեսվող համերգը Մոսկվայում»,- ասաց Թադևոսյանը։

Իոնուտ Չերչելը ծնվել է 1996 թվականի օգոստոսի 19-ին Բուխարեստում։ Նրա հայրը Ռումինիայում հայտնի դաշնակահար Պետրա Չերչելն է։

Պատանի երգիչը սկսել է իր գործունեությունը չորս տարեկանից, այն ժամանակից նրա երգը հնչում է ոչ միայն Ռումինիայում, այլև ողջ Եվրոպայում։ -0-