Business Initiative Directions (BID) միջազգային կազմակերպությունը «Նովոստի-Արմենիա» գործակալությանը «Միջազգային աստղ» մրցանակ է շնորհել որակի համար «Gold» կատեգորիայում, ասվում է «Նովոստի-Արմենիա» գործակալություն ստացված BID-ի պաշտոնական տեղեկատվության մեջ:
BID-ին առաջատար մասնավոր կազմակերպություն է, որը զբաղվում է ողջ աշխարհում զարգացման և որակի մշակույթի ներդրմամբ և նպտակաուղղված է
Quality Mix Plan ի և International BID Award մրցանակի շնորհմանը, ինչի շնորհիվ BID-ի կողմից գրեթե 100 երկրների՝ մրցանակների արժանացած ընկերություններն անցած 23 տարիների ընթացքում բարելավել են իրենց որակն ու դիրքը:
BID ընկերությունը ձեռնարկությունների շրջանում մշտապես հարցումներ և քվեարկություններ է անցկացնում՝ լավագույններին ընտրելու նպատակով: 2009 թ.-ի մրցանակաբաշխությունը տեղի կունենա հոկտեմբերի 26-ին Ժնևում:
2009 թ.-ին BID-ի համաշխարհային կոնգրեսը հանդիպումներ է անցկացրել Լոնդոնում, Մադրիդում, Ժնևում, Ֆրանկֆուրտում և Նյու-Յորքում, ինչպես նաև վերջին տասը ամսվա ընթացքում ծանոթացել է աշխարհի 94 երկրների ընկերությունների գործունեությանը:
«ISAQ-ի կանոնադրության և QC 100 Total Quality Management մոդելի հիման վրա որոշվել է, որ ԱՄԻ «Նովոստի-Արմենիա» լրատվական գործակալությանը Ժնևում պետք է շնորհվի International Star Award for Quality մրցանակը՝ «Gold» կատեգորիայում», - ասվում է BID-ի տեղեկատվության մեջ:
Լավագույններից լավագույններին փոխանցվող հեղինակավոր մրցանակը հովանավորվում է 26 մեդիա-հրատարակությունների կողմից՝ շուկայական հարաբերությունների փոփոխության, նորարարությունների ներդրման, ապրանքանիշերի աճի, տեխնոլոգիաների զարգացման, նոր ապրանքների, բիզնես նորությունների և ֆինանսների ներդրման նպատակով: Յուրաքանչյուր հաղթող-ընկերության վերաբերյալ տեղեկատվությունը անմիջականորեն հայտնվում է մամուլում:
2009 թ.-ի մրցանակաբաշխությանը կմասնակցեն աշխարհի 74 երկրները ներկայացնող ընկերությունները, ինչպես նաև գործունեության տարբեր ոլորտները ներկայացնող առաջնորդներ, տնտեսության, արվեստի, կորպորատիվ իմիջի ոլորտի պրոֆեսիոնալներ, որակի ոլորտի փորձագետներ և դիվանագիտական կորպուսի ներկայացուցիչներ:
Business Initiative Directions միջազգային մրցանակները հանձնվում են ընկերություններին՝ TQM (Total Quality Management) և QС100 որակի մոդելների պահանջների կատարման հիման վրա: Այս ծրագիրը խթանում է ձեռնարկությունների ղեկավարներին՝ բարելավել գործընթացներն ու աշխատանքի համակարգերը:
«Նովոստի-Արմենիա» միջազգային լրատվական գործակալությունը հայկական տեղեկատվական շուկայի առաջնորդներից է: 2005 թ.-ի հուլիսին գրանցված գործակալության հիմնական նպատակը օպերատիվ և օբյեկտիվ կերպով Հայաստանի քաղաքական, սոցիալական և մշակութային կյանքը լուսաբանելն է։
2005 թ.-ի դեկտեմբերի 8-ին «Նովոստի-Արմենիա» գործակալությունն ու «ՌԻԱ Նովոստի» միջազգային լրատվության ռուսական գործակալությունը տեղեկատվության փոխանակման ոլորտում համագործակցության մասին համաձայնագիր ստորագրեցին:
ԱՄԻ «Նովոստի-Արմենիան» մեջբերվողականության ցուցանիշով հայկական լրատվական գործակալությունների և պորտալների շրջանում առաջատարների թվում է՝ վիրտուալ ներկայացուցչությունների, վեբ-պորտալների, Ինտերնետ-ռեսուրսների վարկանիշների համապատասխան՝ շնորհված Arcaler Scorecard-ի կողմից:
Այս տարվա մարտին «Նովոստի-Արմենիա» գործակալությունը լավագույնն է ճանաչվել «Եվրոպական թեմաներն առավել ընդգրկուն լուսաբանելող ԶԼՄ» անվակարգում՝ «Հայկական ԶԼՄ-ներում եվրոպական թեմաների մոնիտորինգ» ուսումնասիրության արդյունքում, որն անցկացրել էին «Եվրոպական ինտեգրացիա» կազմակերպությունը և Հայաստանում Մեծ Բրիտանիայի դեսպանատունը:-0-
