ՀՐԱՏԱՊ. Հայաստանի նախագահն ընդհատել է աշխատանքային այցը Սպիտակ՝ Իրանում տեղի ունեցած ավիավթարի պատճառով և վերադարձել է Երևան. նախագահի աշխատակազմ
Հայաստանի նախագահ Սերժ Սարգսյանը, ով աշխատանքային այցով գտնվում էր Սպիտակում, ընդհատել է իր այցը՝ Իրանում տեղի ունեցած ավիավթարի պատճառով և վերադարձել Երևան, չորեքշաբթի «Նովոստի-Արմենիա» գործակալությանը հայտնեց Հայաստանի նախագահի աշխատակազմի աղբյուրը։
«ՏՈՒ-154» ինքնաթիռն իրականացնում էր Թեհրան-Երևան կանոնավոր չվերթը: Ինքնաթիռն ընկել է Թեհրանից 200 կմ հեռավորության վրա: Նախնական տվյալներով՝ բոլոր 153 ուղևորները և անձնակազմի 15 անդամները զոհվել են։-0--
Աղբյուրի համաձայն՝ իրավիճակը գտնվում է երկրի ղեկավարի վերահսկողության ներքո, պետական մարմինները կատարում են իրենց վրա դրված բոլոր գործառույթները։ Մասնավորապես, տեղական ժամանակով 16։30-ին Քաղաքացիական ավիացիայի գլխավոր վարչությունում տեղի կունենա մամուլի ասուլիս, իսկ հանրապետության ԱԳՆ-ն նախատեսում է հրապարակել ավիավթարում զոհվածների ցուցակները։ -0-
