Հայաստանում ՌԴ նոր դեսպան է նշանակվել ՌԴ նախկին դեսպանը Վրաստանում
10.07.2009,
18:39
Հայաստանում ՌԴ նոր դեսպան է նշանակվել ՌԴ նախկին դեսպանը Վրաստանում
ԵՐԵՎԱՆ, 10 հուլիսի. /Նովոստի-Արմենիա/. ՌԴ նախագահ Դմիտրի Մեդվեդևը հուլիսի 7-ին հրամանագիր է ստորագրել Վյաչեսլավ Կովալենկոյին Հայաստանում ՌԴ արտակարգ և լիազոր դեսպան նշանակելու մասին: Հրամանագրի տեքստը հրապարակված է ՌԴ ԱԳՆ պաշտոնական կայքում:
Մինչ այդ Կովալենկոն զբաղեցնում էր ՌԴ դեսպանի պաշտոնը Վրաստանում: 2008թ.-ին նա ետ էր կանչվել Վրաստանից դիվանագիտական հարաբերությունների խզման հետևանքով:
2004-2066թթ.-ին Կովալենկոն զբաղեցնում էր ՌԴ ԱԳՆ ԱՊՀ երկրների երկրորդ դեպարտամենտի տնօրենի պաշտոնը:
Վյաչեսլավ Կովալենկոն ծնվել է 1946թ.-ի մարտի 27-ին: 1972թ.-ին ավարտել է Լոմոնոսովի անվան Մոսկվայի պետական համալսարանին առընթեր Արևելյան լեզուների ինստիտուտը: 1999թ.-ին՝ ԽՍՀՄ ԱԳՆ Դիվանագիտական ակադեմիայի ասպիրանտուրան: Պատմական գիտությունների թեկնածու է:-0-
Պատճենել հղումը
