Հայաստանի օլիմպիական հավաքականները մարզվելու են Սոչիում

Հայաստանի հավաքական թիմերը, որոնք մասնակցելու են Օլիմպիական խաղերին, այժմ մարզվելու են Սոչիում գտնվող Ալեքսանդր Կարելինի անվան կենտրոնի բազայում, մամուլի ասուլիսի ժամանակ հայտարարել է ՀՀ ազգային օլիմպիական կոմիտեի նախագահ Գագիկ Ծառուկյանը:

«Մարզիկների պատրաստման այս կենտրոնը հարմար պայմաններ է առաջարկում մարզվելու համար, և այժմ մեր մարզիկները մշտապես մարզվելու են Սոչիում», - ասել է Ծառուկյանը: Նրա խոսքերով, Սոչիում հայ ըմբշամարտիկների մարզվելու շնորհիվ ՝ Պեկինում կայացած 2008թ.-ի Օլիմպիական խաղերի ժամանակ մեր մարզիկները վեց ոսկե մեդալ նվաճեցին, հաղորդում է «ՌԻԱ Նովոստին»:

«Եվրոպական երկրների լավագույն դպրոցներից մեկի՝ Հայաստանի դպրոցի հետ մարզումները մեր թիմին հնարավորություն են տալիս պայքարել լավագույն մարզիկների հետ, բարելավել սեփական վարպետությունը», - մամուլի ասուլիսի ժամանակ հայտարարել է օլիմպիական եռակի չեմպիոն Ալեքսանդր Կարելինը:

Սոչիում գտնվող Կարելինի անվան կենտրոնը համապատասխանում է միջազգային բոլոր չափանիշներին և ունի Ըմբշամարտի միջազգային ֆեդերացիայի (FILA) հավաստագիր: Աթենքում և Պեկինում կայացած Օլիմպիադաների համար հենց այդտեղ են մարզվել Ռուսաստանի ազատ և հունահռոմեական ոճի ըմբշամարտի հավաքականները: Արդյունքը՝ 16 օլիմպիական մեդալ, որոնցից ինը՝ ոսկի:

Այստեղ են նաև մարզվում ռուս ձյուդոիստները, բռնցքամարտիկները, չմշկորդները, լողորդները, ֆուտբոլիստները:

Կենտրոնում գործում է երկու մարզասրահ, բժշկական և վերականգնողական կենտրոններ, լողավազան, սաունա, մերսման սրահ, մարզման համար անհրաժեշտ այլ ենթակառուցվածքներ: Բոլոր մեթոդներն ու ծրագրերը, որոնց իրականացումը կախված է կենտրոնից (սնունդ, վերականգնողական գործողություններ), համաձայնեցվում են առաջատար մարզիկների հետ: Կենտրոնը ստեղծվել  և զարգանում է մասնավոր ֆինանսավորմամբ, իսկ Ռուսաստանի մարզական ըմբշամարտի ֆեդերացիան հանդես է գալիս որպես գործընկեր:-0-