ՌԴ կառավարությունը հաստատել է 1988թ.-ի երկրաշարժից վնասված Գյումրի քաղաքում մի շարք օբյեկտների վերակառուցման պատրաստակամությունը

ԵՐԵՎԱՆ, 22 հունիսի. /Նովոստի-Արմենիա/. ՌԴ կառավարությունը հաստատել է իր պատրաստակամությունը՝ վերակառուցել 1988թ.-ի երկրաշարժից վնասված Գյումրի քաղաքի մանկավարժական համալսարանը, մեկ դպրոց և մեկ բազմաբնակարան շենք: Այս մասին հաղորդվում է ՀՀ տարածքային կառավարման նախարարության տեղեկատվության մեջ:

Տեղեկատվության համաձայն, այս հարցերը քննարկվել են նախօրիեն Մոսկվայում տեղի ունեցած ՀՀ փոխվարչապետ, տարածքային կառավարման նախարար Արմեն Գևորգյանի և ՌԴ կառավարության նախագահի տեղակալ Դմիտրի Կոզակի հանդիպման ժամանակ:

Բացի այդ, քննարկվել են Սոչիի 2014 թ.-ի օլիմպիական խաղերի նախապատրաստական շինարարական աշխատանքներին «Բամո» ընկերության մասնակցության հարցը։

«ԲԱՄՈ» ընկերությունների խումբը բազմապրոֆիլ արտադրական-շինարարական առաջատար հոլդինգներից մեկն է, որի կազմում են տասը ձեռնարկություններ, որոնք ակտիվորեն գործում են Ռուսաստանի շինարարական համալիրում:

Հայաստանի մարզերի և Ռուսաստանի Դաշնության տարածաշրջանների միջև առկա տնտեսական և մշակութային ուղիղ փոխհարաբերությունների համատեքստում պայմանավորվածություն է ձեռք բերվել պայմանագիր ստորագրել Ռուսաստանի Դաշնության և Հայաստանի Հանրապետության տարածքային կառավարման նախարարությունների միջև, ասվում է տեղեկատվության մեջ:

Հանդիպման ընթացքում Գևորգյանը վերահաստատել է իր հրավերքը Ռուսաստանի Դաշնության կառավարության նախագահի տեղակալ Դմիտրի Կոզակին՝ Հայաստան:-0-