ԵՐԵՎԱՆ, 19 հունիսի. /Նովոստի-Արմենիա/. Համաներում հայտարարելը Հայաստանում երկար սպասված և լիովին արդարացված քայլ է, որն ունի ինչպես մարդասիրական, այնպես էլ քաղաքական մեծ նշանակություն ունի երկրի համար և թույլ է տալիս մեզ միայն առաջ ընթանալ, կարծում է խորհրդարանի խոսնակ Հովիկ Աբրահամյանը։
Նրա խոսքերով, համաներում հայտարարելը Հայաստանում բազմաթիվ վեճերի առիթ է տվել։ Նա ընդգծեց, որ նման քաղաքական որոշումները, ինչպիսին է համաներումը, չունեն ժամանակային սահմանափակումներ և պետք է ընդունվեն անհրաժեշտության դեպքում։
«Ներկայում հենց այդպիսի անհրաժեշտություն է.... Մենք չպետք է կաշկանդված լինենք, մենք չպետք է լռենք խնդիրների մասին, այլ հակառակը, վերլուծենք դրանք և հստակ լուծումներ տանք դրանց»,- հայտարարեց խոսնակը։
Խորհրդարանի ղեկավարի խոսքերով, համաներման վերաբերյալ որոշում ընդունելիս անհրաժեշտ է լիովին համոզված լինել, որ յուրաքանչյուրը ստանում է իրենը՝ միաժամանակ հնարավորություն տալով հանցագործություն կատարածներին փոխվելու՝ պատիժը կրելով։
Միևնույն ժամանակ խորհրդարանի նախագահը նշեց, որ համաներումը հաճախ հայ հասարակության կողմից ընկալվում է որպես պատժից ազատելու միջոց, սակայն հայտարարվող համաներումը հնարավորություն է տալիս նաև կրճատելու կալանավորման ժամկետը որոշ կատեգորիաների անձանց համար։
Նա հիշեցրեց, որ համաձայն ընդունվող որոշման, մասնավորապես մարտի 1-2-ի դեպքերի հետ կապված հանցագործություններ կատարած անձանց համար պատժի չանցած հատվածը կրճատվում է մեկ երրորդով։
Աբրահամյանն առաջարկեց Հայաստանի նախագահին դրսևորել էլ ավելի մեծ մարդասիրություն և այս կատեգորիայի անձանց համար պատժի ժամկետը կրճատել կիսով չափ։
Միաժամանակ խորհրդարանի խոսնակը նկատեց, որ հայկական հասարակության մի մասը դեմ է հանդես գալիս համաներման հայտարարմանը, և խորհուդ տվեց այս մարդկանց համաներումը չխառնել պատժից անհիմն ազատելու հետ, որը հանգեցնում է ամենաթողության և ծնում նոր հանցագործություններ։
«Համաներումը մի քայլ է, որ բխում է քրիստոնեական կրոնից, որ քաղաքական միասնությանը և հանդուրժողոկանությանը զուգահեռ մարդասիրություն է սերմանում մեր ողջ հասարակությունում»,- հայտարարեց նա։
Միևնույն ժամանակ Աբրահամյանը նշեց, որ համաներումը տարբեր երկրներում դիտարկվում է որպես ինչպես ներքաղաքական, այնպես էլ սոցիալ-տնտեսական խնդիրների լուծմանն ուղղված քաղաքական քայլ, մինչդեռ Հայաստանում հայտարարվող համաներումը կլուծի և քաղաքական, տնտեսական և սոցիալական հարցեր, կապահովի մարդասիրական սկզբունքների պահպանումը և հասարակության մեջ վստահության մթնոլորտ կստեղծի։
ՀՀ խորհրդարանն ուրբաթ անցել է նախագահ Սերժ Սարգսյանի՝ համաներման հայտարարման վերաբերյալ առաջարկի քննարկմանը։
2008թ. փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։ Մարտի 1-2-ի բողոքի ցույցերը վերածվել են անկարգությունների և ցուցարարների ու իրավապահ մարմինների միջև բախումների, որոնց հետևանքով զոհվել է տասը քաղաքացի և վիրավորվել 265-ը։-0-
