ԵՐԵՎԱՆ, 19 հունիսի. /Նովոստի-Արմենիա/. Օպերատիվ վիճակագրական տվյալներով, Հայաստանում ՀՆԱ-ի ծավալը 2009թ.-ի հունվար-մարտ ամիսներին կրճատվել է 15,7 տոկոսով: Ինչպես «Նովոստի-Արմենիա» գործակալությանը հայտնեցին ՀՀ Ազգային վիճակագրական ծառայությունից, ՀՆԱ ծավալը 839,4 մլրդ դրամ է կազմել /2437,8 մլն. ԱՄն դոլար/:
Վիճակագրական տվյալների համաձայն, 2009թ.-ի հունվար-մայիսին, 2008թ.-ի միևնույն ժամանակահատվածի համեմատ, սպառողական գների աճ է գրանցվել 2,5 տոկոսով: Միևնույն ժամանակ 2008թ.-ի դեկտեմբերի համեմատ տվյալ ցուցանիշի աճ է գրանցվել 5,5 տոկոսով:
Հայաստանում հաշվետու ժամանակաշրջանում արդյունաբերական ապրանքների արտադրողների գները կրճատվել են 4,3 տոկոսով նախորդ տարվա նույն ժամանակաշրջանի համեմատ:
Հաշվետու ժամանակաշրջանում 226,9 միլիարդ դրամի /659 մլն դոլար/ արդյունաբերական արտադրանք է արտադրվել, ինչը 10,5 տոկոսով պակաս է նախորդ տարվա նույն ժամանակաշրջանի համեմատ։
2009թ. հունվար-մայիս ամիսների արդյունքներով, Հայաստանի արտաքին առևտրաշրջանառության ծավալը կազմել է 1312,1 մլն ԱՄՆ դոլար՝ 2008թ. ժամանակաշրջանի համեմատ կրճատվելով 33,7 տոկոսով։
Պետբյուջեի համաձայն, 2009թ. ՀՆԱ աճը Հայաստանում նախատեսված է 9,2 տոկոսի մակարդակում։-0-
