ՀԿԵՈՒ-ն կորպորատիվ կայք է գործարկել

«Հարավկովկասյան երկաթուղի» ՓԲԸ-ի կորպորատիվ կայքը՝ www.ukzhd.am, սկսել է գործել հունիսի 19-ից, ուրբաթ «Նովոստի-Արմենիա» գործակալությանը տեղեկացրեցին ընկերության մամուլի ծառայությունից:

«Կայքն ընդգրկում է ընկերության գործունեությանը վերաբերող նյութերի լայն շրջանակ: Մասնավորապես, կայքում կարելի է ծանոթանալ Հայաստանի երկաթուղային տրանսպորտի վերջին նորություններին, բեռնատար և ուղևորային փոխադրումների կառուցվածքին, մրցույթներին, «ՀԿԵՈՒ» ՓԲԸ-ի կառավարմանը «Հայկական երկաթուղի» ՓԲԸ-ն հանձնելու մասին կոնցեսիոն պայմանագրի կատարման գործընթացին և այլն», - ասվում է տեղեկատվության մեջ:

Կայքում նաև տեղադրված է տեղեկատվություն կենտրոնական ապարատի, տնօրենների խորհրդի և ընկերության կառուցվածքային ստորաբաժանումների մասին:

Կայքում կարելի է ծանոթանալ Կոնցեսիոն պայմանագրին, ՀՀ երկաթուղային տրանսպորտի մասին օրենքին և Ընկերության 2009 թ.-ի սակագնային քաղաքականությանը:

Կայքում կա լուսանկարների ալբոմ, ինչպես նաև օգտակար տեղեկատվություն ԶԼՄ-ների համար:

«Հարավկովկասյան երկաթուղի» ՓԲԸ-ն «Ռուսական երկաթուղիներ» ԲԲԸ-ի հարյուրտոկոսանոց դուստր ընկերությունն է, որը հուլիսի 1-ից իրականացնում է Հայկական երկաթուղիների կոնցեսիոն կառավարումը: ՀԿԵՈՒ-ն իր բալանսում ընդունել է ՀԵՈՒ շարժակակազմը 2008թ. հունիսի մեկից՝ «Հայկական երկաթուղիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով՝ 2008թ. փետրվարի 13-ի կոնցեսիոն պայմանագրին համապատասխան:--0—