ՀՀ վարչապետն առևտրատնտեսական կապերի զարգացմանն առնչվող հարցեր է քննարկել Սիրիայի նախագահի հետ
ԵՐԵՎԱՆ, 18 հունիսի. /Նովոստի-Արմենիա/. ՀՀ վարչապետ Տիգրան Սարգսյանն առևտրատնտեսական կապերի զարգացմանն առնչվող հարցեր է քննարկել Սիրիայի Արաբական Հանրապետության նախագահ Բաշշար Հաֆեզ ալ-Ասադիի հետ, «Նովոստի-Արմենիա» գործակալությանը հայտնեցին ՀՀ կառավարության մամուլի ծառայությունից:
Կառավարության ղեկավարի խոսքով, առևտրատնտեսական հարաբերությունների զարգացման, տնտեսական ոլորտում համատեղ ծրագրերի իրականացման ուղղությամբ կարևոր անելիքներ ունի հայ-սիրիական միջկառավարական հանձնաժողովը, իսկ գործարար շփումների ակտիվացման համար նոր խթան կհանդիսանա Հայ-սիրիական բիզնես ֆորումը:
Հանդիպման ընթացքում երկուստեք կարևորվել են երկու երկրների ժողովուրդների դարավոր բարեկամությունը և պատմամշակութային ընդհանրությունները, Երևանի և Դամասկոսի միջև ստեղծված հարաբերությունները և դրանց զարգացման հեռանկարները:
Ինչպես նշված է հաղորդագրության մեջ, հանդիպումն անցել է ջերմ, բարեկամական մթնոլորտում:-0-
