ՀՀ խորհրդարանն ավարտել է գարնանային նստաշրջանը

ՀՀ ԱԺ գարնանային նստաշրջանի վերջին հերթական նիստը հինգշաբթի ավարտվեց հանրապետության պետական հիմնի կատարմամբ։ Ինչպես ասաց խորհրդարանի խոսնակ Հովիկ Աբրահամյանը, գարնանային նստաշրջանի վերջին քառօրյա նիստի օրակարգը բավականին հագեցած էր և ընդգրկում էր 57 հարց։

ՀՀ ԱԺ գարնանային նստաշրջանի վերջին հերթական նիստի շրջանակներում պատգամավորները բուռն քննարկումներ անցկացրեցին  մի շարք օրինագծերի առնչությամբ, օրինակ, հետաձգեցին երկրի՝ կառավարության կողմից ներկայացված հարկային օրենսդրության մեջ ուղղումների վիճահարույց նախագծի դիտարկումը։   

Պատգամավորները վերջին հերթական նիստի ժամանակ հասցրեցին նաև հաստատել 2008թ.-ի համար ՀՀ պետական բյուջեի կատարման մասին հաշվետվությունը, ԿԲ դրամավարկային քաղաքականության և 2009 թ.-ի առաջին եռամսյակում սղաճի մակարդակի մասին հաշվետությունը, ընտրել պաշտպանության և եվրոպական ինտեգրման մշտական խորհրդարանական հանձնաժողովների նախագահներին։

ՀՀ ԱԺ գարնանային նստաշրջանի վերջին հերթական նիստի ժամանակ ընդունված օրենքների թվում գերակշիռ մասը բաժին է ընկել տնտեսության ու հարկերի ոլորտը կանոնակարգող օրենքներին։  

Այսպիսով, խորհրդարանականներն ուղղումներ են մտցրել «Ավելացված արժեքի հարկի մասին», «Շահութահարկի մասին», «Հրապարակային աճուրդների մասին», «Ֆիքսված վճարումների մասին» օրենքներում, վավերացրել են «Ունեցվածքի և եկամուտների կրկնակի հարկման բացառման մասին» հայ-բուլղարական համաձայանգրում փոփոխություններ մտցնելու մասին արձանագրությունը։   

Սակայն հայ խորհրդարանականները չեն անտեսել նաև հասարակական գործունեության այլ ոլորտները, մասնավորապես, խստացնելով ազգային մշակույթի և ավանդույթների պահպանման, ինչպես նաև աչքի ընկած քաղաքացիներին զենքով պարգևատրելու գործընթացի հսկողությունը։ Պակաս կարևոր չէ նաև այն, որ պատգամավորները խստացրել են մարդկանց առևտրի համար քրեական պատասխանատվությունը՝ համապատասխան փոփոխություններ մտցնելով ՀՀ ՔՕ-ում։

Սակայն պատգամավորներին հրաժեշտ տալով՝ ԱԺ խոսնակ Հովիկ Աբրահամյանը կատակով նշեց, որ խորհրդարանականների այդ հանդիպումը վերջինը չի լինի։
 
«Մենք ձեզ հետ անպայման կհանդիպենք արտահերթ նիստի ժամանակ»,- ասաց Աբրահամյանը՝ այդպիսով հաստատելով խորհրդարանում առաջիկայում արտահերթ նիստ գումարելու մասին պտտվող լուրերը, որի ժամանակ իբր թե ծրագրվում է քննարկել հարկային օրենսդրության ուղղումների վիճահարույց նախագիծը և Երևանում 2008 թ.-ի մարտի 1-2-ի զանգվածային անկարգությունների մասնակիցներին համաներում հայտարարելու հնարավորությունը։ -0-