Երևանի նորընտիր քաղաքապետ Գագիկ Բեգլարյանի երդման արարողությունը տեղի ունեցավ հինգշաբթի Երևանում՝ ՀՀ նախագահ Սերժ Սարգսյանի, վարչապետ Տիգրան Սարգսյանի, կառավարության անդամների և հասարակության ներկայացուցիչների ներկայությամբ։
«Ստանձնելով Հայաստանի մայրաքաղաքի քաղաքապետի պաշտոնը՝ երդվում եմ պահպանել Սահմանադրությունը, օրենքները, Ավագանու խորհրդի որոշումները, ազնվորեն և բարեխղճորեն կատարել Երևանի քաղաքապետի լիազորությունները, ծառայել Երևանի բարգավաճմանը, գործել ի բարօրություն քաղաքի բնակիչների», - ասաց Բեգլարյանի երդամակալության արարողության ընթացքում։
Երևանում մայիսի 31-ին անցկացվեցին Ավագանու խորհրդի առաջին ընտրությունները։ Խորհուրդը կազմված է 65 անդամից։ Ավագանու անդամների տեղերի 50 տոկոսից ավելին ստացած ՀՀԿ համամասնական ցուցակի առաջին հորիզոնականը զբաղեցնող Գագիկ Բեգլարյանը դարձավ Երևանի առաջին ընտրված քաղաքապետը:
ՀՀԿ-ն խորհրդում ստացավ 35 մանդատ, «Բարգավաճ Հայաստանը»՝ 17, ՀԱԿ-ը՝ 13 մանդատ: Միաժամանակ ՀԱԿ-ը հրաժարվեց իր մանդատներից:
Բեգլարյանը խոստացավ հոգ տանել հնագույն մայրաքաղաքի փառքի պահպանության և բազմապատկման համար, պահպանել համայնքների օրինական շահերն ու սեփականությունները, ուժերի անմնացորդ նվիրումով սատարել ժողովրդի հավատին, նպաստել նրա նյութական և հոգևոր վերելքին:
Բեգլարյանի խոսքերով՝ նա նաև կաջակցի յուրաքանչյուր քաղաքացու նախաձեռնությանը, որոնք ուղղված են իր համաքաղաքացիների գաղափարների իրագործմանը։-0-
