Մանկական Եվրատեսլի-2009-ի հայ մասնակցի ընտրության առաջին փուլը կկայանա հուլիսի 1-ին, «Նովոստի-Արմենիա» գործակալությանը հայտնեց ՀՀՀ գործադիր տնօրենի հատուկ նախագծերով խորհրդական Դիանա Մնացականյանը:
Հայաստանի Հանրային հեռուստաընկերոությունը, որին պատկանում է Հայաստանը մրցույթին ներկայացնելու իրավունքը, հրավիրում է մինչև 15 տարեկան երեխաներին մասնակցել ընտրական փուլին:
Մնացականյանի խոսքերով՝ ընտրական փուլին մասնակցելու հայտերը կընդունվեն մինչև 2009 թ.-ի հունիսի 22-ը:
Նա հայտնեց, որ առաջին նախընտրական փուլի ընթացքում կազմկոմիտեն կընտրի 7 լավագույն երգերը:
«Առաջին ընտրական փուլը անցկացնելու համար ՀՀՀ-ն կընտրի անկախ ժյուրի, որը փակ, գաղտնի քվեարկության մեթոդով 20 բալանոց սանդղակով կգնահատի երաժշտությունը, խոսքերն ու մասնակիցների վոկալ տվյալները»,- նշեց Մնացականյանը:
Յոթ ստեղծագործություն ընդգրկող երկրորդ ընտրական փուլը կանցկացվի հուլիսի 12-ին: Երկրորդ ընտրական փուլի գնահատականները խիստ գաղտնի են պահվելու ու հրապարակման ենթակա չեն լինի:
«Հայաստանի տարածքում գտնվող հեռուստադիտողները SMS-հաղորդագրությունների միջոցով 15 րոպեի ընթացքում քվերակելու հնարավորություն կունենան»,- հավելեց ՀՀՀ գործադիր տնօրենի հատուկ նախագծերով խորհրդական Դիանա Մնացականյանը:
Մանկական Եվրատեսլի-2009-ը կանցկացվի նոյեմբերի 21-ին Կիևում: Մրցույթին կմասնակցի 13 երկիր: -0-
