2008 թվականին ՀՀ ԱԳՆ միջոցով հայկական քաղաքացիություն է ստացել 358 մարդ

2008 թվականին ՀՀ ԱԳՆ միջոցով հայկական քաղաքացիություն ստացած անձանց թիվը հասել է 358-ի, միաժամանակ 230 մարդ հրաժարվել է Հայաստանի Հանրապետության քաղաքացիությունից, ասաց ՀՀ արտաքին գործերի փոխնախարար Արման Կիրակոսյանը։

«2008 թվականի ընթացքում ավելացել է քաղաքացիություն ստանալու համար դիմողների թիվը՝ 358 մարդ՝ 2007-ի մեկի դիմաց։ Դա պայմանավորված է երկքաղաքացիության մասին օրենքի ընդունմամբ»,- ասաց Կիրակորսյանը ԱԺ-ում ԱԳՆ գծով 2008 թվականի բյուջեի կատարման մասին հաշվետվությունը ներկայացնելիս։

Նրա խոսքերով՝ 2008 թվականի ընթացքում հայկական քաղաքացիությունից հրաժարվել է 230 մարդ՝ 2007 թվականին 270-ի դիմաց։

ՀՀ ոստիկանության տվյալներով՝ 2008 թվականի ընթացքում 1309 մարդ ստացել է հայկական քաղաքացիություն, որոնցից 1249-ը՝ որպես երկրորդ քաղաքացիություն, իսկ 60 մարդ մինչ այդ առանց քաղաքացիության անձինք էին։ Այս ժամանակահատվածում հայկական քաղաքացիությունը դադարեցվել է 312 մարդու նկատմամբ։

Կիրակոսյանը նշեց, որ քանի որ քաղաքացիություն ստանալու համար պետտուրքը բավականին սիմվոլիկ է, ապա էական գումար այդ գծով չի հավաքվել։

Ընդհանուր առմամբ փոխնախարարը հայտնեց, որ նախարարությունը հավաքել է 2 մլրդ 393 մլն 35 հազար դրամի ($6,4 մլն) պետտուրք, ինչը 9 տոկոսով քիչ է 2007 թվականի ցուցանիշից։

«Անձնագրային գործերի տեսակարար կշիռը ընդհանուր առմամբ կազմել է 63 տոկոս, ինչը նախորդ տարվա համեմատ 150 մլն դրամով ($405), քիչ է, իսկ մուտքի արտոնագրերի մասնաբաժինը կազմել է 15 տոկոս ընդհանուր ծավալում, ինչը 60 մլն դրամով ($162) պակաս է 2007 թվականի ցուցանիշից»,- ասաց Կիրակոսյանը։

Միաժամանակ նա նշեց 30 տոկոսով գործերի կրճատումը բնակության հատուկ կարգավիճակ ստանալու գծով։

Կիրակոսյանը նշեց, որ հայկական ծագում ունեցող քաղաքացիները, ովքեր երկքաղաքացիության օրենքի ընդունումից առաջ նախընտրում էին բնակության  հատուկ կարգավիճակը, այժմ նախընտրում են ստանալ ՀՀ քաղաքացիություն։ -0-