ԵՐԵՎԱՆ, 3 հունիսի. /Նովոստի-Արմենիա/. Ժամկետանց դեղորայքի վերամշակման և ոչնչացման գործարանը շահագործման կհանձնվի Հայաստանում, չորեքշաբթի հայտնեց ՀՀ առողջապահության նախարար Հարություն Քուշկյանը խորհրդարանում 2008 թվականի պետբյուջեի կատարման մասին հաշվետվության ընթացքում։
Ըստ նրա, ՀՀ Արմավիրի մարզում գերմանական ընկերության կողմից կառուցվել է գործարան, որն արդեն պատրաստ է շահագործման և իրականացրել է փորձնական ստուգումներ։
Նա նշեց, որ տվյալ պահին գործարանի սեփականատերերն արդեն անցել են պայմանագրերի ստորագրմանը Հայաստանի բուժհաստատւոթյունների հետ, և նախատեսվում է, որ 2010 թվականի բյուջետային ծախսերում նախատեսված կլինեն նաև անհրաժեշտ միջոցներն այս նպատակաների համար։
«Ձեռնարկությունը չի պարւոնակում որևէ վտանգ կամ բնապահպանական սպառնալիք, քանի որ այրման բոլոր նյութերն անցնում են որոշակի ֆիլտրերի միջով և բնապահպանական տեսանկյունից անվտանգ են»,- ասաց Քուշկյանը։
Միաժամանակ նախարարը նշեց, որ ձեռնարկության գործուներության ծրագիրը բավական կազմակերպված է, նախատեսված են նույնիսկ հատուկ տարաներ երկրի բուժհաստատությունների կողմից տրամադրած դեղորայքի ոչնչացման համար։
Նա նշեց նաև, որ ընկերությունը խոստացել է իրականացնել ժամկետանց դեղորայքի ոչնչացումը շատ մատչելի գներով, մասնավորապես, եթե եվրոպական երկրներում 1 կգ դեղորայքի տեղափոխումն ու ոչնչացումն արժե 10 եվրո, ապա Հայաստանում այն կկազմի մոտ 3,2 դոլար։
Միաժամանակ Քուշկյանն ընդգծեց, որ Հայաստան չի ներկրվում ժամկետանց դեղորայք, և նույնիսկ մարդասիրական ծրագրերով ներկրվող դեղամիջոցներն ունեն նվազագույնը մեկ տարվա պիտանելիության ժամկետ։
Դեղամիջոցների և բուժտեխնոլոգիաների փորձագիտական գործակալության գնահատականների համաձայն, ժամկետանց և ոչնչացման ենթակա դեղամիջոցների ծավալը Հայաստանում կազմում է մոտ 200-300 տոննա։
Հայաստանում գործում է դեղորայքի 17 լիցենզավորված արտադրող և դեղագործական արտադրանքի ավելի քան 170 ներկրող։ -0-
