Թուրք բռնցքամարտիկները մտադիր են առնվազն հինգ մեդալ նվաճել Երևանի աշխարհի պատանեկան առաջնությանը
21.05.2009,
14:07
Թուրք բռնցքամարտիկները մտադիր են առնվազն հինգ մեդալ նվաճել Երևանի աշխարհի պատանեկան առաջնությանը
ԵՐԵՎԱՆ, 21 մայիսի. /Նովոստի-Արմենիա/. Թուրք բռնցքամարտիկները մտադիր են առնվազն հինգ մեդալ նվաճել մայիսի 23-30-ը Երևանում կայանալիք պատանիների աշխարհի առաջնությանը, ասել է թուրքական հավաքականի ավագ մարզիչ Մալիկ Բեյլարօղլուն։
«Մեր թիմը լավ է պատրաստված թե ֆիզիկապես, թե հոգեբանորեն։ Տղաները լավ մարզավիճակում են»,- ասաց Բեյլարօղլուն աշխարհի պատանեկան առաջնության պաշտոնական կայքին տված հարցազրույցում։
Թուրքական հավաքականը, որը հանդես կգա բոլոր 13 քաշային կարգերում, ժամանել է Երևան հինգշաբթի առավոտյան։
Ավագ մարզիչի խոսքերով՝ աշխարհի առաջնության նախապատրաստման փուլում թուրք բռնցքամարտիկներն անցկացրել են մի քանի ուսումնամարզական հավաքներ Ռուսաստանի, Ուկրաինայի, Բուլղարիայի իրենց հասակակիցների հետ։ Մարզիկներից մի քանիսն ունեն միջազգային մարտերի փորձ։ -0-
Պատճենել հղումը
