Հայաստանում երկու մարդ է տուժել մեքենայի՝ գետն ընկնելու հետևանքով
Երկու մարդ է տուժել մեքենայի՝ Արփա գետն ընկնելու հետևանքով, երեքշաբթի «Նովոստի-Արմենիա» գործակալությանը տեղեկացրեցին ՀՀ Փրկարար ծառայության տեղեկատվության վարչությունից։
Տեղեկատվության համաձայն՝ մայիսի 19-ին ժամը 00.55-ին տեղեկություն է ստացվել այն մասին, որ Երևան-Մեղրի ավտոճանապարհի 157-րդ կմ-ում տեղի է ունեցել ավտոպատահար, և անհրաժեշտ է փրկարարների օգնությունը: Դեպքի վայր մեկնած Վայոց ձորի մարզային փրկարարական վարչության փրկարարական ջոկատը հայտնաբերել է, որ դեռևս չպարզված հանգամանքներում «ՎԱԶ-2100» մակնիշի ավտոմեքենան դուրս է եկել ճանապարհի երթևեկելի մասից և ընկել Արփա գետը:
Մինչ փրկարարների դեպքի վայր հասնելը` տեղի ուժերով ավտոմեքենայից դուրս են բերվել մեքենայի վարորդն ու ուղևորը, որոնք տարբեր մարմնական վնասվածքներով տեղափոխվել են Վայքի հիվանդանոց:
Միաժամանակ ժամը 04.30-ին փրկարարների ուժերով ավտոմեքենան գետից դուրս է բերվել:-0-
