Հայաստանի արտգործնախարարն ու պաշտպանության նախարարը կմասնակցեն Հյուսիսատլանտյան խորհրդի նիստին

Հայաստանի արտգործնախարար Էդվարդ Նալբանդյանն ու պաշտպանության նախարար Սեյրան Օհանյանը կմեկնեն Բրյուսել, որտեղ չորեքշաբթի կմասնակցեն 28+1 ձևաչափով Հյուսիսատլանտյան խորհրդի նիստին, երեքշաբթի «Նովոստի-Արմենիա» գործակալությանը տեղեկացրեցին ՀՀ ԱԳՆ մամուլի ծառայությունից։

«Նիստի շրջանակներում քննարկվելու է Հայաստան-ՆԱՏՕ համալրված Անհատական գործընկերության գործողությունների ծրագիրը (ԱԳԳԾ)», - ասվում է տեղեկատվության մեջ։

Նիստից առաջ նախատեսվում է Հայաստանի ԱԳ և պաշտպանության նախարարների հանդիպումը ՆԱՏՕ-ի գլխավոր քարտուղարի հետ:-0-