ՀԱՊԿ արագ արձագանքման հավաքական ուժերի կազմը վերջնականապես կհաստատվի 2009 թ.-ի հունիսի 14-ին. Բորդյուժա
ՀԱՊԿ արագ արձագանքման հավաքական ուժերի (ԱԱՀՈՒ) կազմը վերջնականապես կհաստատվի 2009 թ.-ի հունիսի 14-ին, ուրբաթ Երևանում լրագրողներին ասաց ՀԱՊԿ գլխավոր քարտուղար Նիկոլայ Բորդյուժան՝ պատասխանելով «Նովոստի-Արմենիա» գործակալության հարցին։
«Կա ՀԱՊԿ ԱԱՀՈՒ-ի ստեղծման քաղաքական որոշում, կան պետությունների առաջարկություններն այն բանի վերաբերյալ, թե ինչպիսի ստորաբաժանումներ և զորամիավորումներ են մտնելու դրանց կազմի մեջ։ Այսօր մենք ավարտում ենք անհրաժեշտ իրավանորմատիվային բազայի ձևավորման աշխատանքը», - ասաց Բորդյուժան։
Նա նշեց, որ հավաքական ուժերը կկարողանան գործել ՀԱՊԿ բոլոր անդամ-պետությունների տարածքում, դրանց արդյունավետ գործունեության համար անհրաժեշտ է իրավաբանական հիմնավորում, այլ պետությունների տարածքներում ուժի կիրառման կանոններ, ուժերի կարգավիճակի և լիազորության տեղափոխման կարգ։
«Այս պահի դրությամբ բոլոր այդ հարցերը մշակվում են, և ծրագրվում է, որ վերջնական փաստաթուղթը կստորագրվի նախագահների կողմից հունիսի 14-ին Մոսկվայում կայանալիք Հավաքական անվտանգության խորհրդի նիստի ժամանակ», - պարզաբանեց Բորդյուժան։
Նրա խոսքերով՝ գրեթե բոլոր երկրներն արդեն ներկայացրել են ինչպես զինված ուժերի, այնպես էլ հատուկ նշանակության ուժերի և ներքին գործերի մարմինների ստորաբաժանումների կազմի և անվտանգության մարմինների համապատասխան ստորաբաժանումները, որոնք կմասնակցեն այդ ուժերին։
«Համաձայնագիրը ստորագրվելուն պես կարելի է համարել, որ ուժերն արդեն ձևավորված են, այլ բան է, որ նրանց անհրաժեշտ է նախապատրաստել համատեղ գործունեության համար և ուսուցանել իրագործել հավաքական խնդիրներ», - ասաց Բորդյուժան։
ՀԱՊԿ արագ արձագանքման հավաքական ուժերի ստեղծման մասին համաձայնագիրը ստորագրվել է 2009 թ.-ի փետրվարի 4-ին Կրեմլում կայացած ՀԱՊԿ առաջնորդների հանդիպման արդյունքում։
Հավաքական ուժերը կօգտագործվեն ռազմական ագրեսիայի կասեցման, միջազգային ահաբեկչության ու ծայրահեղականության, միջազգային կազմակերպված հանցավորության, թմրանյութերի շրջանառության դեմ պայքարի հատուկ օպերացիաների անցկացման, ինչպես նաև արտակարգ իրավիճակների հետևանքների վերացման համար։-0-
