«Շտապ օգնությունը» «Նաիրիտ» գործարանի հրդեհի հետևանքով զոհերի և տուժածների հստակ թվի մասին տեղեկությունների չի տիրապետում, «Նովոեստի-Արմենիա» գործակալությանը հայտնեց «Շտապ օգնության» տնօրեն Արտյոմ Պետրոսյանը:
«Ներկա պահին մենք զոհերի և տուժածների հստակ թիվը չենք կարող ասել, քանի որ մոտակա ժամանակահատվածում այն կարող է փոխվել»,- ասաց Պետրոսյանը:
Նրա խոսքերով՝ պայթյունից հետո բուժօգնության համար դիմել է 20 մարդ:
«Առավելապես դրանք թեթև այրվածքներ են և ծխից թունավորումներ»,- ասաց Պետոսյանը:
Տարածաշրջանի կաուչուկի խոշորագույն հսկայի՝ «Նաիրիտի» պայթյունը որոտացել է տեղական ժամանակով ժամը 18:00-ի սահմաններում: Կրակը հանգցնում է 12 մարտական հաշվարկ։ Ոստիկանները շրջափակել են գործարանի շրջակա տարածքը:--0--
