Ղազախստանը չափազանց շահագրգռված է Հայաստանի հետ համագործակցության զարգացմամբ. միջկառավարական հանձնաժողովի նախագահ
Ղազախստանը չափազանց կարևորում է Հայաստանի հետ համագործակցության ընդլայնումը և անչափ շահագրգռված է այդ հարցում, ասաց ՀՀ և ՂՀ միջև առևտրատնտեսական համագործակցության միջկառավարական հանձնաժողովի ղազախ համանախագահ, Ղազախստանի գյուղատնտեսության նախարարության պատասխանատու քարտուղար Տոբիլբեկ Օմարովը։
«Երկրների միջև արդեն համագործակցություն կա ինչպես երկկողմ, այնպես էլ բազմակողմանի ձևաչափերում, կատարվում է անհրաժեշտ տեղեկատվության փոխանակում, իրականացվում են փոխադարձ այցեր։ Երկրների միջև համագործակցությունը հարուստ պատմություն ունի, Հայաստանի ու Ղազախստանի մինջև շատ ընդհանուր բան կա, օրինակ, ընդհանուր մտածելակերպը, մեր երկրների հիմնական հարստությունը մարդկային ներուժն է»,- երեքշաբթի Օմարովը ասաց Երևանում Հայ-ղազախական միջկառավարական հանձնաժողովի երրորդ նիստի ժամանակ։
Հանձնաժողովի ղազախ համանախագահի խոսքերով՝ Հայաստանի ու Ղազախստանի միջև ակտիվ համագործակցություն է հաստատվել միջազգային կազմակերպությունների շրջանակներում, իսկ Հայաստանը մասնակցում է պաշտոնական Աստանայի ինտեգրացիոն նախաձեռնություններին, մասնավորապես, Ղազախստանի նախագահ Նորսուլթան Նազարբաևի նախաձեռնած նախագծերին՝ ԱՊՀ ամրապնդման ուղղությամբ։
Օմարովը նշեց, որ երկու երկրներն էլ, լինելով ՀԱՊկ անդամներ, ակտիվ մասնակցում են Կազմակերպության ամրապնդման ծրագրերին, ներգրավված են ԱՊՀ շրջանակներում անցակցվող ֆորումներին։
Միաժամանակ նա նշեց, որ տնտեսական գործընկերությունը երկրների միջև առայժմ զիջում է քաղաքական համագործակցության մակարդակին։ Բերված տվյալներով՝ Հայաստանի և Ղազախտանի միջև առևտրաշրջանառությունը 2008 թ.-ի արդյունքներով շուրջ 10,4 մլն դոլար է կազմել՝ 2007 թ.-ի 12 մլն. դոլարի համեմատ։ Ղազախական կողմի տվյալներով՝ 2008 թ.-ին Հայաստանից Ղազախստան 4,1 մլն. դոլարի ապրանք է ներկրվել, իսկ Ղազախտանից Հայաստան արտահանումը 5,3 մլն. դոլար է կազմել։
«Սա բավարար չէ, մենք կարող ենք կրկնապատկել, եռապատկել և անգամ տասնապատկել մեր ցուցանիշները։ Դա մեր ուժերից վեր չէ»,- հայտարարեց նա։
Օմարովը նշեց, որ երկրների միջև առևտրաշրջանառության ավելացմանը կարող է նպաստել Ղազախստանից Հայաստան հացահատիկային բույսերի մատակարարման վերջերս հաստատված մեխանիզմի զարգացումը։
Միջկառավարական հանձնաժողովի նիստը Երևանում կընթանա մինչև մայիսի 12-ի երեկո։ Չորեքշաբթի՝ մայիսի 13-ին, հանձնաժողովի անդամները կայցելեն Ծաղկաձոր՝ ղազախական լեռնադահուկային «Չիմբուլակ» հանգստավայրի և հայկական Ծաղկաձորի միջև ձմեռային մարզաձևերի գծով համագործակցության հնարավորություններին ծանոթանալու համար։
Երրորդ նիստի արդյունքներով ծրագրվում է ՀՀ և ՂՀ գյուղատնտեսության նախարարությունների միջև համաձայնագրի ստորագրում տվյալ ոլորտում համագործակցության մասին, ինչպես նաև համաձայնագիր Աստանա քաղաքի ակիմատի և Երևանի քաղաքապետարանի միջև առևտրատնտեսական, գիտատեխնիկական համագործակցության ոլորտում, գործընկերություն առողջապահության, մշակույթի, կրթության, զբոսաշրջության և սպորտի ոլորտում։ -0-
