Ջավախեթիի հայերի իրավունքները չեն ոտնահարվում. վրացի պատգամավոր

ԵՐԵՎԱՆ, 8 մայիսի. /Նովոստի-Արմենիա/. Ջավախեթիի հայ բնակչության իրավունքները չեն ոտնահարվում, կարծում է վրացական խորհրդարանի իրավաբանական հարցերի կոմիտեի նախագահ, իշխող «Միավորված ազգային շարժման» ներկայացուցիչ Պավլե Կուբլաշվիլին։   

«Կարծում եմ, որ նրանց իրավունքները ոչ ոքի կողմից և ոչ մի կերպ չեն խախտվում»,- ասաց Կուբլաշվիլին «Նովոստի-Արմենիա» գործակալությանը տված օն-լայն հարցազրույցի ժամանակ՝ կազմակերպված «Կովկասի լրագրողների ցանցի» կողմից։ 

Կուբլաշվիլին նաև հույս հայտնեց, որ հայկական մշակույթի հուշարձանների հետ կապված խնդիրներն աստիճանաբար կլուծվեն։

«Կարծում եմ, որ այս խնդիրը աստիճանաբար լուծվում է։ Այս հարցը քննարկվել է ՀՀ վարչապետի՝ Վրաստան կատարած վերջին այցի ժամանակ։ Կարծում եմ, որ տարաբնույթ հարցեր կան նաև Հայաստանի տարածքում գտնվող վրացական մշակույթի հուշարձանների կապակցությամբ»,- ասաց Կուբլաշվիլին։ 

«Կարծում եմ, որ ինչպես պետական անձինք, այնպես էլ մեր եկեղեցիների ներկայացուցիչները կձեռնարկեն բոլոր միջոցները, որպեսզի այդ հարցերը լուծվեն՝ հաշվի առնելով երկու կողմերի շահերը»,- ավելացրեց նա։ --0--