Վ.Սարգսյանի անվան ռազմական ինստիտուտի կազմավորման 15-րդ տարեդարձի կապակցությամբ Երևանում մեկնարկեց կուրսանտական 7-րդ գիտաժողովը

ողջունելով գիտաժողովի մասնակիցներին` ՀՀ պաշտպանության նախարար Սեյրան Օհանյանը կարևորեց միջոցառման անցկացման նշանակությունը՝ քննարկումների միջոցով բարձրացված հարցերի և խնդիրների շուրջ վերլուծություններ կատարելու և հետագա աշխատանքներն առավել արդյունավետ պլանավորելու համար:

Մայիսի 5-7-ն անցկացվող գիտաժողովի ընթացքում քննարկումներ կծավալվեն զինված ուժերում առկա տարաբնույթ դրսևորումներին, տեսական և ռազմակիրառական ուսուցմանը, ռազմահայրենասիրական դաստիարակությանը, գիտական և կրթական խնդիրներին վերաբերող հարցերի շուրջ:

Գիտաժողովի բացման արարողությանը մասնակցում էին նաև ՀՀ ԶՈւ ԳՇ պետ, գեներալ-գնդապետ Յուրի  Խաչատուրովը, բարձրաստիճան զինվորականներ, հանրապետության բուհերի ներկայացուցիչներ, ռազմական ինստիտուտի պրոֆեսորադասախոսական կազմը, կուրսանտներ: -0-