«Արմավիա» հայկական ավիաընկերությունը 4տոկոս զեղչ է հայտարարում «Արմավիա» պաշտոնական կայքում ձեռք բերված բոլոր ավիատոմսերի համար, «Նովոստի-Արմենիա» գործակալությանը տեղեկացրեց ընկերության մամուլի քարտուղար Նանա Ավետիսովան։
Բացի այդ, նրա խոսքերով, «Արմավիա» պաշտոնական կայքի միջոցով մեկնող ավիաընկերության յուրաքանչյուր 15-հազարերորդ ուղևորին սպասում է հաճելի անակնկալ։ «Արմավիան» Օդային տրանսպորտի միջազգային ասոցիացիայի (IATA) անդամ է: Ավիաընկերությունը իր հաճախորդներին առաջարկում է Հայաստանում խոշորագույն չվերթերի ցանց դեպի Ռուսաստանի և ԱՊՀ երկրների քաղաքներ, ինչպես նաև Մերձավոր Արևելքի և Եվրոպայի քաղաքներ։
«Արմավիան» իրականացնում է շաբաթական ավելի քան 170 կանոնավոր չվերթ՝ 30 ուղղությամբ։ 2008թ.-ին ավիաընկերությունը տեղափոխել է գրեթե 647 000 ուղևորի: Ավիաընկերության օդանավերի պարկը բաղկացած է А320 (2), А319 (3), Իլ-86, Տու-134. օդանավերից: «Արմավիան» կդառնա առաջին ընկերությունը, որը ձեռք կբերի նոր Սուխոյ Superjet S-100 ինքնաթիռը, որը ավիապարկը կհամալրի մինչև տարեվերջ:
Ավիացիոն ռիսկերը ապահովագրված են ISG ընկերության կողմից, որը «Արմավիայի» միակ գործընկերն է։-0-
