ԵՐԵՎԱՆ, 30 ապրիլի. /Նովոստի-Արմենիա/. Գրոսմայստեր Լևոն Արոնյանը դարձավ Նալչիկում անցկացված ՖԻԴԵ-ի Գրան-պրիի հաղթողը: Ինչպես հաղորդել է Հայաստանի Հանրային հեռուստաընկերությունը, վերջին՝ 13-րդ տուրում Արոնյանը հաղթանակ է տարել հունգարացի Պետեր Լեկոյի նկատմամբ:
Հայաստանի երկրորդ ներկայացուցիչը՝ Վլադիմիր Հակոբյանը՝ հաղթելով ուկրաինացի Պավել Էլյանովին, առաջնության արդյունքներով Լեկոյի հետ կիսել է 2-3-րդ տեղերը:--0--
