Արարատի մարզային գրադարանը ավելի քան հազար գիրք է նվեր ստացել
Հայաստանի մշակույթի նախարարությունը, ՀՀ գրողների միության հետ համատեղ, երեքշաբթի Արարատի Օհան Չուբարյանի անվան մարզային գրադարանում հայերեն և ռուսերեն լեզվով ավելի քան հազար գրքի շնորհանդես են անցկացրել։
«Նման ծրագրերի հիմնական նպատակը մարզային գրադարանների գրքերի ֆոնդերի համալրումն է», - ասել է լրագրողներին ՀՀ մշակույթի նախարարության մշակութային քաղաքականության վարչության պետ Կարո Վարդանյանը։
Նրա խոսքերով, նվիրաբերած գրքերի մեծամասնությունը հրատարակվել է պետպատվերի շրջանակներում՝ վերջին մի քանի տարվա ընթացքում։ «Հիմնական մասը տրամադրել է Երևանի ռուսական գրքի կենտրոնը, ինչպես նաև Հայաստանի գրողների միությունը», - ավելացրել է Վարդանյանը։
Այսպիսով, մարզային գրադարանի ֆոնդը համալրվել է հայերեն և ռուսերեն գեղարվեստական և մանկական գրականությամբ։
Բացի այդ, վարչության պետը տեղեկացրել է, որ 2009 թ.-ին Արարատի գրադարանի շենքը կվերանորոգվի՝ մշակույթի օբյեկտների վերանորոգման՝ կառավարության համալիր ծրագրի շրջանակներում։
«Ծրագրի շրջանակներում գրադարանը կգազիֆիկացվի և կտեղադրվի ջեռուցման համակարգ», - եզրափակել է նա։
Արարատի մարզային գրադարանը հիմնադրվել է 1948 թ.-ին, նրա ֆոնդում կա ավելի քան 94,3 հազ. գիրք։-0-
