Բելառուսական «Բելավիա» ավիաընկերության ինքնաթիռի վթարի վայրում աշխատաում են ՀՀ Ոստիկանության և Գլխավոր դատախազության աշխատակիցները
Բելառուսական «Բելավիա» ավիաընկերությանը պատկանող CRJ-100 ինքնաթիռի վթարի վայրում աշխատում են ՀՀ Ոստիկանության և Գլխավոր դատախազության աշխատակիցները։
Այս տեղեկատվությունը «Նովոստի-Արմենիա» գործակալության համար հաստատեցին համապատասխան կառույցների մամուլի ծառայություններից։
«Դեպքի վայրում աշխատում է քննչական խումբ և Փրկարար ծառայության ու այլ կառույցների աշխատակիցները, սակայն դեպքի մանրամասները դեռևս պարզվում են», - ասել է մամուլի ծառայության աշխատակից, օգնական Արմեն Մալխասյանը։
Միաժամանակ ՀՀ Գլխավոր դատախազության մամուլի քարտուղար Սոնա Տռուզյանը դժվարացել է ասել, թե, արդյոք, հարուցվե՞լ է քրեական գործ ինքնաթիռի վթարի փաստով, թե ոչ։
Բելառուսական ավիաընկերության CRJ-100 ինքնաթիռը հինգշաբթի առավոտյան օդ բարձրանալիս վթարի է ենթարկվել Երևանի «Զվարթնոց» միջազգային օդանավակայանում։
Ինքնաթիռում գտնվող 18 ուղևորները և անձնակազմի երեք անդամները տարբեր աստիճանի վնասվածքներ են ստացել, նրանց մեծամասնությանը օգնություն է ցուցաբերվել տեղում։ Զոհեր չկան։-0-
