Հայաստանի նախագահը գոհ է հայ-հունական երկկողմ հարաբերությունների մակարդակից
Հայաստանի նախագահը գոհ է հայ-հունական երկկողմ հարաբերությունների մակարդակից։
Այս մասին Քոչարյանը հայտարարել է չորեքշաբթի, երբ նրան հավատարմագրերն է հանձնել Հայաստանում Հունաստանի Հանրապետության նորանշանակ դեսպան Իոաննիս Կորինթիոսը:
«Գոհունակություն հայտնելով հայ-հունական քաղաքական երկխոսության մակարդակի առթիվ, նախագահն ասել է, որ երկու երկրների միջև հաստատված լայնածավալ հարաբերությունները դինամիկ են զարգանում»,-այսօր «Նովոստի-Արմենիա» գործակալությանը տեղեկացրին նախագահի մամուլի ծառայությունից։
Քոչարյանը հունական կողմին շնորհակալություն է հայտնել տեխնիկական օգնության համար, որն այն տրամադրում է Հայաստանին, հատկապես ընգծելով զբոսաշրջության, գյուղատնտեսության և պաշտպանության ոլորտներին։
Կողմերը կարևորել են Հայաստան-ԵԽ ծրագրի շրջանակներում երկկողմ համագործակցության հնարավորությունների ուսումնասիրումը։
«Հունաստանի նորանշանակ դեսպանը հավաստիացրել է, որ ջանք չի խնայի երկկողմ համագործակցության հետագա ամրապնդման համար»,-նշեցին մամուլի ծառայությունում։—0—
