ԵՐԵՎԱՆ, 12 հոկտեմբերի./Նովոստի-Արմենիա/. Ադրբեջանը դարձել է Թուրքիայի ազդեցության ընդլայնման հարթակ և տարածաշրջանում միջազգային ահաբեկչության օջախ, երկուշաբթի ՌԴ ԱԳ նախարար Սերգեյ Լավրովի հետ համատեղ ճեպազրույցի ժամանակ հայտարարել է ՀՀ ԱԳ նախարար Զոհրաբ Մնացականյանը:
Նա նշել է, որ Արցախի ժողովուրդը բախվում է գոյութենական սպառնալիքի հետ վերջն 30 տարիների ընթացքում:
Նրա խոսքով, այդ սպառնալիքը վատթարանում է երկու նոր բացական գործոններով պայմանավորված, որոնց թվում նա նշել է Թուրքիայի ուղիղ ներգրավումը և Սիրիայից և Լիբիայից օտարեկրյա ահաբեկիչների և զինյալների տեղափոխումը տարածաշրջան:
«Ահաբեկիչ զինյալները և կրոնական ծայրահեղականները լայնորեն օգտագործվում են Թուրքիայի կողմից ներկա թուրքական ղեկավարության շահերն առաջ տանելու և հարևան տարածաշրջանների վրա ազդեցությունը տարածելու համար»,- հայտնել է Մնացականյանը:
Նա նշել է, որ Թուրքիայի կողմից Սիրիայի և Լիբիայի կողմից օտարեկրյա զինյալների տեղափոխումը արդեն ոչ միայն ապացուցվել է հայկական աղբյուրների կողմից, այլև ֆիքսվել և հնչեցվել համաշխարհային հանրության կողմից:
«Դիմելով թուրքամետ զինված ահաբեկիչների օգնությանը՝ Ադրբեջանն ինքնին դարձել է Թուրքիայի ազդեցության ընդլայնման և միջազգային ահաբեկչության օջախ մեր տարածաշրջանում: Ահաբեկչական կազմակերպություններին կերակրելու և խրախուսելու և նրանց Հարավային Կովկաս միջանցքներով ապահովելու այս քաղաքականությունը հղի է ոչ միայն մեր տարածաշրջանում, այլև դրա սահմաններից դուրս ահաբեկչական գործունեության նոր բռնկմամբ», - նշել է Մնացականյանը:
Նրա խոսքով, այսօր անհրաժեշտ է դադարեցնել ռազմական գործողությունները, և այդ հարցում Ռուսաստանի դերը չափազանց կարևոր է:
Նա մեկ անգամ ևս շեշտել է մի քանի օր առաջ ձեռք բերված համատեղ հայտարարության կարևորությունը ՝ շնորհակալություն հայտնելով Ռուսաստանին և անձամբ ՌԴ նախագահ Վլադիմիր Պուտինին՝ ակտիվ դերի և միջամտության համար: Նա նշել է նաև Ռուսաստանի արտգործնախարարի ակտիվ աշխատանքը և ներգրավվածությունը: Համատեղ աշխատանքի արդյունքում հնարավոր էր ընդհանուր հայտարարի գալ, որը նպատակ ունի դադարեցնել ռազմական գործողությունները:
Ինչ վերաբերում է Թուրքիայի ակտիվ դերակատարությանը, ապա նրա խոսքով, դա այժմ արտահայտվում է տարածաշրջանում ահաբեկիչների զնյալների առկայությամբ և Ադրբեջանին ակտիվ ռազմական աջակցությամբ, ինչը ոչ մի կերպ չի կարող ողջունվել:
