Երևանին և Բաքվին առաջարկվել է «3+3» հարթակն օգտագործել խաղաղության պայմանագրի վրա աշխատելու համար. Լավրով

ԵՐԵՎԱՆ, 18 հոկտեմբերի./Նովոստի-Արմենիա/. Ռուսաստանը, Թուրքիան և Իրանը Հայաստանին ու Ադրբեջանին առաջարկել են «3+3» հարթակն օգտագործել խաղաղության պայմանագրի աշխատանքներն ավարտին հասցնելու համար։ Այս մասին, ТАСС-ի փոխանցմամբ, հայտարարել է ՌԴ արտգործնախարար Սերգեյ Լավրովը։

«Եվ մենք, և թուրքերը, և իրանցիները մեր գործընկերներին՝ Երևանին և Բաքվին առաջարկել ենք օգտագործել «3+3» հարթակը՝ խաղաղության պայմանագրի աշխատանքներն ավարտին հասցնելու համար», – ասել է նախարարը։

Նշենք, որ այսօր Ստամբուլ տեղի ունեցավ «3+3» տարածաշրջանային խորհրդակցական հարթակի հանդիպումը։