«Պատրաստ ենք, թող գան, հատեն, գնան Նախիջևան». հենց այսօր Ադրբեջանը մի քանի կետերով կարող է հատել Հայաստանի սահմանը և երթևեկել դեպի Նախիջևան. Փաշինյան (ՎԻԴԵՈ)
12:35
04 Օգոստոսի 2022
ԵՐԵՎԱՆ, 4 օգոստոսի./Նովոստի–Արմենիա/. Հայաստանը պատրաստ է ապահովել կապ Ադրբեջանի արևտմյան շրջանների և Նախիջևանի միջև, ասաց ՀՀ վարչապետ Նիկոլ Փաշինյանն այսօր կառավարության նիստի ժամանակ։
«Հայաստանի պարտավորությունների մասին խոսելիս Ադրբեջանն ասում է, որ Հայաստանը պարտավորվել է Ադրբեջանի արևմտյան շրջանի և Նախիջևանի կապը ապահովել։ Այո, մենք էս ընթացքում ամեն օր էլ պատրաստ ենք այդ կապն ապահովել, այդ Ադրբեջանն է, որ չի օգտվում մեր ընձեռած հնարավորություններից։ Այսօր էլ, Հայաստանի Հանրապետության օրենսդրությամբ սահմանված կարգով, ինչպես կարգն է եկեք հատեք Հայաստանի սահմանը, գնացեք Նախիջևան, հենց էսօր», – ասաց վարչապետը։
Загружается новость ... "Лево"
Նա նաև նշեց, որ դեռևս նախորդ տարվանից կա Հայաստանի Հանրապետության մաքսային ծառայության կետ և սահմանապահ ծառայության կետ, և Հայաստանն ասել է Ադրբեջանին, որ ցանկացած պահի Հայաստանի Հանրապետության սահմանված կարգով այդ կետերը կարող են հատվել, և կապ հաստատվի Նախիջևանի հետ։
«Ընդ որում ինչ վերաբերում է նոր կառուցվող ճանապարհներին, եռակողմ հայտարարության մեջ հստակ ընդգծված է, որ դա պետք է տեղի ունենա կողմերի համաձայնությամբ, և մենք ասում ենք, որ այդ ճանապարհների երթուղին քննարկելը համարում ենք երկրորդ հարցը, առաջինն` իրավական ընթացակարգերի ամրագրումից և գործարկումից հետո։ Ես այսօր պաշտոնապես ասում եմ. այսօր Ադրբեջանը մի քանի կետերով կարող է հատել Հայաստանի սահմանը և երթևեկությունն իրականացնել դեպի Նախիջևան։ Եթե բառացի և տառացի մեկնաբանենք, նշված է, որ մենք պետք է ապահովենք Ադրբեջանի արևմտյանի շրջանների կապը Նախիջևանի հետ։ Ադրբեջանի ամենաարևմտյան շրջանը Ղազախի շրջանն է, մենք պատրաստ ենք, թող գան, հատեն, գնան Նախիջևան։ Եվ մենք երաշխավորում ենք այդ երթևեկության անվտանգությունը` Հայաստանի Հանրապետության օրենսդրության սահմանված կարգով։ Բայց միայն Ղազախով չէ, Ղազախ–Իջևան հատվածով չէ, նաև Ղազախ–Բերդ, Վարդենիսի հատվածում կարող ենք դա ապահովել, մենք դա կարող ենք ապահովել Սիսիայի հատվածում, Երասխի հատվածում, դա կարող ենք ապահովել Գորիսի հատվածում, որտեղ մենք վաղուցվանից մաքսային ծառայության հսկողություն ունենք, և այս ընթացքում Ադրբեջանը չի օգտվել, չի էլ փորձել օգտվել», – ընդգծեց վարչապետը։–0–
«Ապրելու երկիր» ընդդիմադիր կուսակցության անդամ Մեսրոպ Առաքելյանը պատրաստվում է դիմել ՍԴ՝ «Քաղաքացիական պայմանագիր» կուսակցության գործունեությունն արգելելու համար
Պեսկովը հայտարարել է, որ Մոսկվան շարունակում է շփումները Երևանի հետ, որպեսզի պարզաբանի ՀՀ վարչապետ Նիկոլ Փաշինյանի հայտարարությունները ՀԱՊԿ–ում անդամակցության «սառեցման» մասին
