Հայ–թուրքական սահմանի բացումն առաջին հերթին ձեռնտու է Ադրբեջանին. արևելագետ (ՎԻԴԵՈ)
14:46
21 Փետրվարի 2023
ԵՐԵՎԱՆ, 21 հունվարի./Նովոստի–Արմենիա/. Հայ-թուրքական սահմանի բացումն առաջին հերթին ձեռնտու է Ադրբեջանին, որի քաղաքացիները կկարողանան անխոչընդոտ տեղափոխվել Թուրքիա։ Նման կարծիք է հայտնել քաղաքագետ, արևելագետ Սերգեյ Մելքոնյանը «Նովոստի–Արմենիա» գործակալության YouTube–յան ալիքով հեռարձակվող «Հատուկ կարծիք» հաղորդաշարի ընթացքում։
Մելքոնյանն ընդգծեց, որ երրորդ երկրների քաղաքացիների համար հայ–թուրքական սահմանի բացման հնարավորության հարցում խոսքն առաջին հերթին Ադրբեջանի մասին է, որ ադրբեջանցիները և ադրբեջանական բեռները կարողանան ուղիղ հասնել Թուրքիա, առանց շրջանցելու։
«Ակնհայտ է, որ մենք չենք կարող ակնկալել որևէ դիվանագիտական հաղթանակ, որովհետև Հայաստանը փաստացի ոչ մի բան չի ստանում, դա բուն Ադրբեջանի և Թուրքիայի օրակարգն է», – հայտարարեց նա։
Պատասխանելով այն հարցին, որ ՀՀ վարչապետ Նիկոլ Փաշինյանը հայտարարել է, որ պատաստ է ստորագրել փաստաթուղթը (Ադրբեջանի հետ), որը կբացառի տևական և կայուն խաղաղության խաթարման որևէ սցենար` Մելքոնյանը նշեց, որ նման համակարգ չկա։
«Բոլոր խաղաղության պայմանագրերը միշտ խախտվել են, չկա խաղաղության մի պայմանագիր, որ 1000 տարի գործում է և մինչ օրս անվտանգություն ապահովում: Որովհետև այդ նույն փաստաթղթերի մեջ նշված չէ, որ եթե կողմերից մեկը խախտեց, պատժամիջոց կլինի: Էդտեղ փաստացի կֆիքսվի այն ստատուս-քվոն, այն բալանսը, որը փաստացի տարածաշրջանում ստեղծվել է հօգուտ Ադրբեջանի», – ասաց նա։–0–
Հայաստանն ու Ադրբեջանը հարաբերությունների հաստատման ու խաղաղության պայմանագրի շուրջ բանակցությունները կշարունակեն արտաքին գործերի նախարարների մակարդակով
Հայաստանը շահագրգռված է տարածաշրջանում տրանսպորտային հաղորդակցությունների ապաշրջափակմամբ, ասել է Հայաստանի վարչապետ Նիկոլ Փաշինյանը ՌԴ նախագահ Վլադիմիր Պուտինի հետ հանդիպման ժամանակ
Վլադիմիր Պուտինը հինգշաբթի երկու առանձին հանդիպումներ կունենա ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ, որին կհաջորդեն առաջնորդների եռակողմ բանակցությունները
