Բարձր ջերմությունն ու հազը, պարզվեց, թոքաբորբ էր, դեռ չեմ վերականգնվել. Սիրուշո
ԵՐԵՎԱՆ, 19 սեպտեմբերի./Նովոստի-Արմենիա/. Երգչուհի Սիրուշոն Instagram-ի իր էջում շարունակում է կիսվել վերջերս կայացած փառատոններից մեկի ժամանակ իր ելույթի կադրերով։ Նա հայտնել է, որ վատառողջ է ելույթ ունեցել և այժմ պարզվել է, որ թոքաբորբ է։
«Իմ բարձր ջերմությունն ու հազը, պարզվեց, թոքաբորբ էր, որից դեռ չեմ վերականգնվել:
Ես ինձ համար պարզեցի, որ ունակ եմ նույնիսկ թոքաբորբով անկողնուց վեր կենալ ու ելույթ ունենալ: Դուք էլ ձեզ համար պետք է պարզեք, որ ինձ նայելով երբեք չեք կարող կռահել, թե ինչով եմ այդ պահին անցնում, չնայած, որ այս տարիների ընթացքում այնքան եմ սովորել ամենամտահոգ ու դժվար պահերին անգամ աշխատել ու դա սիրով անել, որ սա էլ խոչընդոտ չէր։
Իսկ դուուուք, դուք կարողանում եք այնպես գրկաբաց ընդունել, որ մարդ մոռանա ամեն ինչ ու հասկանա, որ արժեր ուժ գտնել ու գալ, ուժ գտնել ու ստեղծել..ու այդպես շարունակ:
Շուտով կվերականգնվեմ, վերադառնամ աշխատանքի ու հերթով սկսեմ ցույց տալ, թե այս ընթացքում ինչեր ենք արել ու անում»,- գրել է նա։
