ԵՐԵՎԱՆ, 24 հոկտեմբերի. /Նովոստի-Արմենիա/. Կիրակի Թուրքիայի հարավ-արևելքում գտնվող Վան գավառում գրանցված երկրաշարժի հետևանքով կան զոհեր և ավերածություններ, տեղեկացրել է երկրի կառավարության մամուլի ծառայությունը, հաղորդում է «ՌԻԱ Նովոստին»:
Մամուլի ծառայությունը չի ներկայացրել բնական աղետի հետևանքների մասին տվյալները:
Ավելի վաղ նմանատիպ տվյալներ են տարածել Վան գավառի իշխանությունները:
Կիրակի Վան գավառում 6,6 մագնիտուդով երկրաշարժ է գրանցվել, տեղեկացրել է Բոսֆորի համալսարանի սեյսմոլոգիական աստղադիտարանը: Ստորգետնյա ցնցումը գրանցվել է տեղական ժամանակով ժամը 13:40-ին, որի էպիկենտրոնը գտնվել է 5 կմ խորության վրա: Իսկ ԱՄՆ երկրաբանական ծառայությունը հայտնում է, որ երկրաշարժի մագնիտուդը կազմել է 7,6, հաղորդել է «Ռոյթեր» գործակալությունը: Այնուհետև տեղի է ունեցել 5,5 մանգիտուդով հետցնցում: Որոշ շենքեր քանդվել են:
Վան քաղաքը գտնվում է Թուրքիայի հարավ-արևելքում՝ Իրանի հետ սահմանի մոտակայքում: Քաղաքի բնակչության թիվը կազմում է շուրջ 320 հազար մարդ:-0-
