ԵՐԵՎԱՆ, 19 հուլիսի./Նովոստի–Արմենիա/. Այսօր երեկոյան Սարալանջի փողոցում
բռնկված հրդեհը տարածվել է «Հաղթանակի» զբոսայգում։
ՀՀ ԱԻՆ Փրկարար ծառայության հաղորդմամբ, հուլիսի 19-ին, ժամը 21:48-ին «911» ծառայությանն ահազանգ է ստացվել, որ հրդեհ է բռնկվել Երևան քաղաքի Հաղթանակի զբոսայգում. այրվում է խոտածածկ տարածք:
Հրդեհի բարդության «թիվ 2 կանչով» դեպքի վայր է մեկնել ԱԻՆ ՓԾ հրշեջ-փրկարարական ջոկատից վեց մարտական հաշվարկ:
Այնուհետև դեպքի վայր է մեկնել ԱԻՆ ՓԾ հրշեջ-փրկարարական ջոկատից ևս երկու մարտական հաշվարկ, Ճգնաժամային կառավարման ազգային կենտրոնի արտակարգ իրավիճակների արձագանքման խումբը և Աղետների բժշկության կենտրոնի հերթապահ բժիշկը:
Կտրվի լրացուցիչ տեղեկություն:–0–