Խոշոր և ողբերգական ավտովթար Արարատի մարզում. կա 1 զոհ, 3 վիրավոր

ԵՐԵՎԱՆ, 4 ապրիլի./Նովոստի–Արմենիա/. Այսօր՝ ապրիլի 4-ին, խոշոր ու ողբերգական ավտովթար է տեղի ունեցել Արարատի մարզում:

Shamshyan.com–ի հաղորդմամբ, ժամը 14:30-ի  սահմաններում Արտաշատ-Ոստան-Քաղցրաշեն գյուղամիջյան ճանապարհին, դեռևս անհայտ հանգամանքներում, բախվել են Nissan X-Trail,  Nissan Bluebird և ВАЗ 2106 մակնիշի ավտոմեքենաները:

Վթարի հետևանքով 4 մարդ Արտաշատի հիվանդանոցի բժիշկների  կողմից նախ տեղում առաջին բուժօգնություն են ստացել, ապա տեղափոխվել «Արտաշատ» բժշկական կենտրոն:  

Հիվանդանոցում վիրավորներից մեկը   մահացել է: 

Փաստի առթիվ հարուցվել է քրեական գործ՝ ՀՀ քր օր-ի 242 հոդվածի 2-րդ մասի հատկանիշներով (Ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ):   

Քննիչի հանձնարարականով ավտոմեքենաները տեղափոխվում են  ոստիկանության 

Ոստիկանությունն ու քննչական  վարչությունը պարզում են վարորդների,  մահացածի և վիրավորների ինքնությունը:–0–