Հրդեհ՝ տեխսպասարկման կետում. 3 մեքենա է այրվել
17.08.2024,
13:25
Այրվել են մեկ Mercedes-Benz՝ մասամբ, երկու Toyota՝ ամբողջությամբ
ԵՐԵՎԱՆ, 17 օգոստոսի․/Նովոստի–Արմենիա/. ՀՀ ՆԳՆ փրկարար ծառայությունը հայտնում է, որ օգոստոսի 17-ին, ժամը 06։45-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Բագրատունյաց փողոցում գտնվող ավտոտնակից հրդեհ է նկատվում։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ։
Պարզվել է, որ հրդեհ է բռնկվել Բագրատունյաց փողոցում գտնվող ավտոտեխսպասարկման կետում։
Հրդեհը մեկուսացվել է ժամը 07։09-ին, մարվել՝ 07։33-ին։ Այրվել են մեկ «Mercedes-Benz» մակնիշի ավտոմեքենա՝ մասամբ, երկու «Toyota» մակնիշի ավտոմեքենա՝ ամբողջությամբ։
Պատճենել հղումը
