Եղբայրը սպառնացել էր կտրել քրոջ պարանոցր' պահանջելով ադամանդյա մատանին (ՎԻԴԵՈ)

ԵՐԵՎԱՆ, 17 մայիսի./Նովոստի–Արմենիա/. Մայիսի 14–ի առավոտյան Կումայրիի բաժնում հաղորդում տված 56–ամյա գյումրեցի կինը հայտնել էր, որ մայիսի 13–ի երեկոյան եղբայրը, սպառնալով, որ ածելիով կկտրի իր պարանոցը, պահանջել էր նրա ադամանդյա քարով մատանին, հաղորդում է ՀՀ ոստիկանությունը։

56–ամյա քույրը, վախենալով, որ նա կիրականացնի սպառնալիքը, տվել էր մատանին։

Կումայրիի բաժնի ոստիկանները 52–ամյա տղամարդուն հայտնաբերել ու ձերբակալել են։ Նախաձեռնվել է քրեական վարույթ։ Հանգամանքները նախաքննությամբ պարզվում են։


Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:–0–