Բեյրութի նավահանգստում ուժեղ հրդեհ է բռնկվել (ՎԻԴԵՈ)

ԵՐԵՎԱՆ, 10 սեպտեմբերի./Նովոստի–Արմենիա/. Այսօր Լիբանանի մայրաքաղաք Բեյրութի նավահանգստի տարածքում հրդեհ է բռնկվել։

Այս մասին հաղորդում է ՏԱՍՍ–ը` հղում անելով «Ալ Արաբիա» հեռուստաալիքին։

Ալիքի տվյալներով, հրդեհը բռնկվել է ավտոմեքենաների անվադողերի և յուղերի պահեստում, որը գտնվում է նավահանգստի տարածքում։

Դեպքի վայր է ժամանել մի քանի մարտական հաշվարկ, որոնք փորձում են մեկուսացնել հրդեհի օջախը։

Ինչպես հաղորդում է BBC–ի ռուսական ծառայությունը, ականատեսները նշում են, որ ծխի քուլաները բարձրանում են նավահանգստի այն հատվածից, որտեղ գտնվել է օգոստոսի 4–ին գրանցված ավերիչ պայթյունի էպիկենտրոնը։

Հիշեցնենք, որ օգոստոսի 4–ին Բեյրութի նավահանգստում որոտացել էր հզոր պայթյուն, որի ալիքը ոչնչացրել էր հազարավոր տներ, ավելի քան 300 հազար մարդ դարձել է անօթևան։ Մահացել է 190 մարդ, տուժել է 6,5 հազար քաղաքացի։ Լիբանանի ՆԳՆ–ի տվյալներով, պայթյունի պատճառը զոդման աշխատանքների ժամանակ ավելի քան 2,7 հազար տոննա ամոնիումի սելիտրայի բռնկումն էր, որը պահվում էր նավահանգստում։–0–

This is the Beirut port right now. The nightmare continues. Open all your windows and stay away from them. pic.twitter.com/DpjSK1YHYB

— Grave Jones (@gravejonesmusic) September 10, 2020