Արարատի մարզի գյուղերից մեկի տան տանիքում տղամարդու դի է հայտնաբերվել

ԵՐԵՎԱՆ, 16 սեպտեմբերի./Նովոստի–Արմենիա/. Նախօրեի Արարատի մարզի գյուղերից մեկի տան տանիքում տղամարդու դի է հայտնաբերվել։


Ինչպես հաղորդում է ՀՀ ԱԻՆ Փրկարար ծառայությունը, սեպտեմբերի 15-ին, ժամը 15։39-ին Արարատի մարզային ճգնաժամային կառավարման կենտրոն տեղեկություն է ստացվել, որ Այգավան գյուղի Միրզոյան փողոցի տներից մեկի տանիքում հայտնաբերվել է տղամարդու դի. անհրաժեշտ է փրկարարների օգնությունը:

«Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ», – նշվում է գերատեսչության հաղորդագրության մեջ։

Փրկարարները տանիքից իջեցրել են Լևոն Ա․-ի (ծնված 1972 թ.) դին:–0–