ԵՐԵՎԱՆ, 23 նոյեմբերի./Նովոստի–Արմենիա/. Սամարայի բնակիչն ինքնասպան է եղել S7 Airlines ավիաընկերության օդանավում, որն ուղևորվում էր Եգիպտոսից։ 48–ամյա տղամարդը կախվել է օդանավի զուգարանում պայուսակի գոտիով։ Այս մասին հաղորդում է
«Обозреватель»–ը։
Միջադեպը տեղի է ունեցել օդանավի օդ բարձրանալուց անմիջապես հետո, ինքնաթիռն արտակարգ վայրէջք է կատարել, հաղորդում է SHOT Telegram ալիքը։
Հայտնի է, որ տղամարդու անունն Ալեքսանդր է, նա ավտոմեխանիկ էր, վերադառնում էր Շարմ Էլ Շեյխից, որտեղ անցկացնում էր իր հանգիստը։
Загружается новость ... "Лево"
«Ամեն ինչ, կարծես, լավ էր։ Կնոջր գրում էր, որ սիրում է։ Իհարկե, մի անգամ թունավորվել է եգիպտական սննդից։ Եվ ահա եկավ Սամարա վերադառնալու ժամանակը...Երբ օդանավը սկսեց բարձրություն հավաքել, տղամարդը փակվեց զուգարանում։ Բորտուղեկցորդուհիները նկատեցին տղամարդու բացակայությունը 15 րոպե հետո», – նշվում է հաղորդագրության մեջ։
Բորտուղեկցորդները սկզբում փորձել են բացել դուռը, բայց, տղամարդը, հավանաբար, ներսից ինչ–որ բանով արգելափակել էր։ Արդյունքում, ուղևորներն օգնել են բացել դուռը ու տեսել, որ տղամարդը կախվել է։
Ուղևորներից երեքը բժիշկներ էին, փորձել են օգնել տղամարդուն, բայց ապարդյուն։ Օդանավն արտակարգ վայրէջք է կատարել Կահիրեի մոտակա օդանավակայանում։ Շտապօգնության բժիշկներն արձանագրել են տղամարդու մահը։
Միաժամանակ նշվում է, որ Եգիպտոսի ոստիկանները հրաժարվել են թողնել մարմինը Կահիրեում։ Այն տեղափոխել են օդանավի բեռնախցիկ և տեղափոխել Սամարա։ Օդանավը վայրէջք է կատարել հինգ ժամ ուշացումով։
Ականատեսների խոսքերով, նստեցման ժամանակ ուղևորն իրեն տարօրինակ էր պահում, ինքն իր հետ խոսում էր, հետո ջուր խմեց ու հանգստացավ։
Ռուսական ԶԼՄ–ները, հղում անելով իրավապահ մարմինների աղբյուրներին և տղամարդու հարազատներին, նշում են, որ տղամարդն իսկապես հոգեկան խնդիրներ ուներ այն բանից հետո, երբ երեք տարի առաջ ենթարկվել էր սարսափելի ավտովթարի Թաիլանդում։–0–
