ԵՐԵՎԱՆ, 25 դեկտեմբերի. /Նովոստի–Արմենիա/. Այսօր առավոտյան կասկածելի արկղ է հայտնաբերվել Հայաստանի ազգային պոլիտեխնիկական համալսարանի բակում գտնվող տոնածառի տակ։
Ինչպես հաղորդում է shamshyan.com–ը, այս պահին տեղում աշխատում են Ազգային անվտանգության ծառայության համապատասխան բաժինների վարչությունների ներկայացուցիչները, մեծ թվով ոստիկաններ ու փրկարարներ։
Կայքի հաղորդմամբ, արկղի վրա գրված է ռեկտորի անուն-ազգանունը։
Այս պահին դեպքի վայր պետք է ժամանեն սակրավորները, որպեսզի պարզեն արկղի պարունակությունը։
Ուսանողությունն ու դասախոսական կազմը տարհանվել է, շենքում հետախուզական աշխատանքներ են կատարում ոստիկանության կինոլոգոները։–0–