Երևան–Սևան ճանապարհին Mercedes–ն ընկել է կամրջից, 32–ամյա վարորդը հիվանդանոցում մահացել է

ԵՐԵՎԱՆ, 25 հունվարի./Նովոստի–Արմենիա/. Նախօրեին ողբերգական ավտովթար է տեղի ունեցել Երևան–Սևան ճանապարհին։

ՀՀ ոստիկանության մամուլի ծառայության հաղորդմամբ, հունվարի 24-ին, ժամը 02.00-ի սահմաններում, Երևան-Սևան ճանապարհի 31-րդ կմ-ին «Մերսեդես» մակնիշի ավտոմեքենան դուրս է եկել երթևեկելի գոտուց, բախվել երկաթե ճաղավանդակին և ընկել կամրջից. 32-ամյա վարորդ Դավիթ Գրիգորյանը տեղափոխվել է հիվանդանոց, որտեղ մահացել է:

Կատարվում է քննություն։–0–