Ողբերգական վրաերթ Երևանում. ոչ սթափ վիճակում գտնվող 31-ամյա վարորդը վրաերթի է ենթարկել 62-ամյա կնոջը

ԵՐԵՎԱՆ, 2 հունիսի./Նովոստի-Արմենիա/.Այսօր՝ հունիսի 2-ին, մահվան ելքով վրաերթ է տեղի ունեցել Երևանում։

Ժամը 03։30-ի սահմաններում Երևանի 31-ամյա բնակիչն իր վարած ռուսական համարանիշներով ՎԱԶ 2121 մակնիշի ավտոմեքենայով Մոսկովյան փողոցում վրաերթի է ենթարկել հետիոտն՝ Երևանի բնակիչ, 62-ամյա Գոհար Մ.-ին։

Վրաերթի ենթարկվածը տեղում մահացել է։ Վարորդը փախուստի չի դիմել, փորձել է օգնություն ցուցաբերել վրաերթի ենթարկվածին, ահազանգել է շտապօգնություն, և օպերատիվորեն ժամանած բժիշկների հերթապահ խումբն արձանագրել է վրաերթի ենթարկվածի մահը։

Փաստի առթիվ նյութեր են նախապատրաստվում։

Կայքի հաղորդմամբ, վարորդը ենթարկվել է սթափության փորձաքննության, նա եղել է ոչ սթափ։

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:-0-