1 ժամվա ընթացքում 10-ից ավելի վթարներ են տեղի ունեցել Կոտայքում (ՖՈՏՈ)
ԵՐԵՎԱՆ, 24 հունվարի. /Նովոստի Արմենիա/. Միանգամից մի քանի խոշոր ավտովթար է տեղի ունեցել Կոտայքի մարզում։
Մասնավորապես, ժամը 08։00-ի սահմաններում Երևան-Իջևան ավտոճանապարհի՝ Հրազդանի վարչական տարածքում ճանապարհի մերկասառույցի պատճառով կողարջվել են Ford և ВАЗ 2101 մակնիշի ավտոմեքենաներ։
Ինչպես հայտնում է shamshyan.com-ը, բարեբախտաբար, զոհեր, վիրավորներ չկան։
Միևնույն ժամանակ նշվում է, որ եթե Երևանից մինչև Սևան ավոճանապարհի՝ Աբովյանի, Չարենցավանի, Սևանի, Դիլիջանի, Իջևանի վարչական տարածքներում Ճանշինը կատարել է ճանապարհների ձնամաքրման և աղ ու ավազով մշակման աշխատանքներ, ապա Հրազդանում նման աշխատանքներ չեն կատարվել: Դրա պատճառով էլ 1 ժամվա ընթացքում 10-ից ավելի վթարներ տեղի ունեցան։
«Ավտոմեքենաները ձորը չեն գլորվել միայն այն պատճառով, որ, կողաշրջվելով, բախվել են ծառերին», - նշում է տարածած հաղորդագրությունում։
